اسلام آباد: وزیراعظم شہباز شریف نے فیلڈ مارشل سید عاصم منیر کی بطور چیف آف آرمی اسٹاف اور چیف آف ڈیفنس فورسز تعیناتی کی سمری منظوری کے بعد ایوان صدر بھجوا دی ہے۔
وزیراعظم کی جانب سے منظور کی گئی سمری کے مطابق فیلڈ مارشل عاصم منیر نہ صرف چیف آف آرمی اسٹاف ہوں گے بلکہ ملک کے پہلے چیف آف ڈیفنس فورسز کے طور پر بھی خدمات انجام دیں گے۔ یہ تعیناتی پانچ سال کے لیے ہوگی۔
اس کے علاوہ وزیراعظم نے چیف آف ایئر سٹاف، ائیر چیف مارشل ظہیر احمد بابر سدھو کی مدت ملازمت میں بھی دو سال کی توسیع کی منظوری دی ہے، جو ان کی موجودہ پانچ سالہ مدت ملازمت کے مارچ 2026 میں مکمل ہونے کے بعد لاگو ہوگی۔