ورلڈکپ میں تاریخ رقم، میسی سب سے زیادہ گول کرنے والے کھلاڑی بن گئے
فیفا ورلڈکپ 2026 میں ارجنٹینا نے شاندار کارکردگی کا مظاہرہ کرتے ہوئے آسٹریا کو 0-2 سے شکست دے کر راؤنڈ آف 32 کے لیے کوالیفائی کر لیا۔
ڈیلاس اسٹیڈیم میں کھیلے گئے گروپ جے کے میچ میں ارجنٹینا نے مسلسل دوسری فتح حاصل کی اور اپنی پوزیشن مزید مستحکم کر لی۔
میچ کا پہلا اہم موقع 39ویں منٹ میں آیا جب *لیونل میسی نے شاندار گول اسکور کر کے ٹیم کو برتری دلائی۔ اس سے قبل ارجنٹینا کو پنالٹی ملی تھی جو ضائع ہوگئی، تاہم ٹیم نے دباؤ برقرار رکھتے ہوئے جارحانہ کھیل جاری رکھا۔
دوسرے ہاف میں آسٹریا نے واپسی کی کوشش کی، مگر ارجنٹینا کے دفاع اور گول کیپر نے مضبوط مزاحمت دکھائی۔ 56ویں منٹ میں آسٹریا کو فری کک ملی لیکن وہ اس سے فائدہ نہ اٹھا سکا۔
اسٹاپیج ٹائم میں میسی نے ایک اور گول کر کے میچ 0-2 سے اپنے نام کر لیا، جس کے بعد ارجنٹینا نے اگلے مرحلے میں اپنی جگہ پکی کر لی۔
اسی میچ میں لیونل میسی نے ایک تاریخی سنگِ میل بھی عبور کیا اور ورلڈکپ میں سب سے زیادہ گول کرنے والے کھلاڑی بن گئے۔ ان کے مجموعی گولز کی تعداد 18 ہو گئی ہے، جس کے ساتھ انہوں نے جرمنی کے میروسلاو کلوزے کے 16 گولز کا ریکارڈ توڑ دیا۔ برازیل کے رونالڈو نازاریو 15 گولز کے ساتھ تیسرے نمبر پر موجود ہیں۔
فٹبال ماہرین کے مطابق میسی کی یہ کارکردگی ورلڈکپ تاریخ کے سب سے یادگار لمحات میں شمار کی جا رہی ہے۔