اوکاڑہ (کیو این این ورلڈ/بیورو چیف ملک ظفر) تعلیمی میدان میں نمایاں کامیابی کے لیے الہدیٰ اسکول چنیوٹ کی طالبہ آیت زہرا نے پریپ کلاس میں پہلی پوزیشن حاصل کر کے والدین اور اساتذہ کا نام روشن کر دیا ہے۔
آیت زہرا نے اس سے قبل نرسری کلاس میں بھی پہلی پوزیشن حاصل کی تھی، جو ان کی مسلسل محنت، لگن اور تعلیمی قابلیت کا منہ بولتا ثبوت ہے۔ ان کی محنت اور استقامت نے انہیں تعلیمی میدان میں بہترین مقام دلانے میں مدد دی ہے۔
اساتذہ نے آیت زہرا کی شاندار کامیابی پر فخر کا اظہار کیا اور کہا کہ یہ طالبہ اپنی قابلیت اور محنت کے ذریعے مستقبل میں بھی تعلیمی شعبے میں نمایاں کارنامے انجام دے گی۔ والدین نے بھی خوشی کا اظہار کرتے ہوئے دعا کی کہ اللہ تعالیٰ انہیں صحت مند اور کامیاب زندگی عطا فرمائے اور ان کا روشن مستقبل قائم رکھے۔
اس کامیابی کے موقع پر اسکول انتظامیہ نے بھی آیت زہرا کو مبارکباد دی اور دیگر طلبہ کے لیے محنت اور لگن کی مثال قرار دیا۔