کندھ کوٹ(کیو این این ورلڈ/رپورٹ: وقار احمد اعوان) محکمہ تعلیم کے آفس سپرنٹنڈنٹ غلام ربانی خان چاچڑ کے صاحبزادے آصف ربانی خان چاچڑ کی 14ویں سالگرہ نہایت شاندار، پُروقار اور خوشیوں بھرے ماحول میں چاچڑ ہاؤس میں منائی گئی جہاں محبت، اپنائیت اور خوشی کے حسین رنگ نمایاں دکھائی دیے۔
تقریب کے دوران خوبصورت انداز میں سالگرہ کا کیک کاٹا گیا جبکہ محفل میں شریک مہمانوں نے آصف ربانی خان چاچڑ کو دلی مبارکباد پیش کرتے ہوئے ان کی صحت، کامیابی، روشن مستقبل، اعلیٰ تعلیم اور درازیٔ عمر کے لیے خصوصی دعاؤں اور نیک تمناؤں کا اظہار کیا۔
اس یادگار تقریب میں شمس الدین خان چاچڑ، ڈاکٹر جمعو چاچڑ سمیت دیگر معزز شخصیات، قریبی دوستوں، عزیز و اقارب اور اہلِ علاقہ کی بڑی تعداد نے شرکت کی۔ تقریب خوشگوار ماحول، دوستانہ ملاقاتوں اور محبت بھرے لمحات سے سجی رہی جس نے محفل کو مزید یادگار بنا دیا۔
شرکاء کا کہنا تھا کہ بچوں کی خوشیاں دراصل خاندان اور معاشرے کی خوشیوں کی عکاس ہوتی ہیں جبکہ ایسی خوبصورت اور باوقار تقریبات محبت، اخوت، بھائی چارے اور خاندانی روایات کو مزید مضبوط بناتی ہیں۔
تقریب کے اختتام پر مہمانوں کی پرتکلف تواضع بھی کی گئی جبکہ تمام شرکاء نے آصف ربانی خان چاچڑ کے لیے نیک خواہشات کا اظہار کرتے ہوئے دعا کی کہ اللہ تعالیٰ انہیں زندگی کے ہر میدان میں کامیابی، خوشیاں اور عزت عطا فرمائے۔
