رینالہ خورد (کیو این این ورلڈ/نامہ نگار لیاقت علی چوہدری) تھانہ صدر اوکاڑہ پولیس نے جرائم پیشہ عناصر کے خلاف کارروائی کرتے ہوئے فریاد عرف فریادی گینگ کو گرفتار کرلیا۔ پولیس کے مطابق گرفتار ملزمان کے قبضے سے دو پستول 30 بور، پانچ موٹرسائیکلیں اور دیگر مسروقہ سامان برآمد ہوا ہے، جس کی مجموعی مالیت تقریباً 7 لاکھ روپے بتائی گئی ہے۔
پولیس کے مطابق گرفتار ملزمان سے دورانِ تفتیش مختلف وارداتوں اور مقدمات کے حوالے سے اہم انکشافات بھی سامنے آئے ہیں۔ ملزمان نے مبینہ طور پر ڈکیتی، چوری، ناجائز اسلحہ رکھنے اور دیگر جرائم سے متعلق متعدد مقدمات میں ملوث ہونے کا انکشاف کیا ہے، جس کے بعد پولیس نے ان مقدمات کی تفتیش کا دائرہ مزید وسیع کردیا ہے۔
تھانہ صدر اوکاڑہ پولیس کے مطابق گرفتار گینگ کے خلاف مختلف دفعات کے تحت درج مقدمات میں مقدمہ نمبر 1103/26 بجرم 399/401 تعزیراتِ پاکستان، مقدمہ نمبر 1104/26 بجرم 13(2-A)20/65، مقدمہ نمبر 1105/26 بجرم 13(2-A)20/65، مقدمہ نمبر 842/26 بجرم 381-A/411 تعزیراتِ پاکستان، مقدمہ نمبر 1039/26 بجرم 256، مقدمہ نمبر 1024/26 بجرم 381-A/411 تعزیراتِ پاکستان اور مقدمہ نمبر 1077/26 بجرم 392/411 شامل ہیں۔
اسی طرح پولیس کے مطابق ملزمان نے مقدمہ نمبر 713/26 بجرم 380، مقدمہ نمبر 749/26 بجرم 379، مقدمہ نمبر 929/26 بجرم 380، مقدمہ نمبر 752/26 بجرم 379، مقدمہ نمبر 816/26 بجرم 381-A، مقدمہ نمبر 486/26 بجرم 381-A، مقدمہ نمبر 187/26 بجرم 392 اور مقدمہ نمبر 209/26 بجرم 380 میں بھی مبینہ طور پر ملوث ہونے کا انکشاف کیا ہے۔
پولیس نے ملزمان کے قبضے سے برآمد ہونے والے دو پستول 30 بور، پانچ موٹرسائیکلوں اور دیگر مسروقہ سامان کو قبضے میں لے کر قانونی کارروائی شروع کردی ہے۔ پولیس کا کہنا ہے کہ برآمد ہونے والی موٹرسائیکلوں اور دیگر سامان کی شناخت اور متعلقہ مقدمات سے ان کے ربط کی بھی جانچ کی جا رہی ہے۔
پولیس ذرائع کے مطابق گینگ کے ارکان سے مزید تفتیش جاری ہے اور اس امر کا بھی جائزہ لیا جا رہا ہے کہ گرفتار ملزمان نے اوکاڑہ اور گردونواح میں مزید کتنی وارداتیں کیں اور ان کے ساتھ جرائم میں کون کون سے دیگر افراد ملوث ہیں۔
پولیس کی جانب سے کارروائی کو جرائم پیشہ عناصر کے خلاف جاری کریک ڈاؤن کا حصہ قرار دیا گیا ہے۔ حکام کے مطابق شہریوں کے جان و مال کے تحفظ اور چوری، ڈکیتی سمیت دیگر جرائم کی روک تھام کے لیے کارروائیاں مزید مؤثر بنائی جا رہی ہیں، جبکہ گرفتار ملزمان کے خلاف قانون کے مطابق کارروائی عمل میں لائی جا رہی ہے۔