اسلام آباد: مرکزی رویت ہلال کمیٹی نے ملک بھر میں رجب المرجب کا چاند نظر آنے کا باقاعدہ اعلان کر دیا ہے، جس کے بعد یکم رجب کل بروز پیر 22 دسمبر کو ہوگی۔ وزارت مذہبی امور کی جانب سے جاری کردہ نوٹیفکیشن کے مطابق، مرکزی رویت ہلال کمیٹی کا اہم اجلاس چیئرمین مولانا سید محمد عبدالخبیر آزاد کی زیر صدارت اسلام آباد میں منعقد ہوا، جبکہ زونل اور ضلعی ہلال کمیٹیوں کے اجلاس اپنے اپنے متعلقہ مقامات پر منعقد کیے گئے۔ اجلاس کے دوران ملک کے مختلف حصوں سے چاند کی رویت کی معتبر شہادتیں موصول ہوئیں، جس کی بنیاد پر چیئرمین رویت ہلال کمیٹی نے چاند کی رویت کا اعلان کیا۔ اس اعلان کے ساتھ ہی اسلامی تقویم کے مطابق 27 رجب یعنی شبِ معراج 16 جنوری 2026 بروز جمعہ کو عقیدت و احترام کے ساتھ منائی جائے گی۔
