ماضی میں اداکاری اور گلوکاری سے وابستہ رابی پیرزادہ اب سوشل میڈیا انفلوئنسر، مصورہ اور خطاط کے طور پر پہچانی جاتی ہیں۔ ایک بڑے تنازع کے بعد ان کی زندگی میں روحانی تبدیلی آئی اور انہوں نے اسلامی طرزِ زندگی اپنایا۔
اس تبدیلی کے بعد رابی نے اپنی زندگی کے ہر نئے مرحلے کو عوام کے ساتھ شیئر کیا اور اب وہ نکاح کے بندھن میں بندھ گئیں۔ نکاح کی تقریب نہایت سادگی اور رازداری کے ساتھ منعقد ہوئی، جس کی جھلکیاں انہوں نے اپنے انسٹاگرام اکاؤنٹ پر شیئر کیں۔
تقریب میں رابی نے کریم اور سرخ رنگ کے خوبصورت ملبوسات زیب تن کیے اور اپنے والدین، بھائی اور ماموں کے ساتھ یادگار لمحات مداحوں کے ساتھ بانٹے۔ تصاویر میں سادگی، خاندانی محبت اور روحانی سکون واضح تھا۔
مداحوں نے انہیں نئی زندگی کے آغاز پر دعائیں اور نیک تمنائیں پیش کی ہیں، اور یہ مرحلہ رابی کی زندگی کا ایک نیا اور مثبت باب قرار دیا جا رہا ہے۔
