تہران (کیو این این ورلڈ) ایران نے رواں سال امریکا میں ہونے والے FIFA World Cup 2026 میں شرکت نہ کرنے کا فیصلہ کرتے ہوئے ٹورنامنٹ کے بائیکاٹ کا اعلان کر دیا ہے۔
ایرانی وزیر کھیل احمد دنیا مالی نے اپنے بیان میں کہا ہے کہ ایران موجودہ حالات میں ورلڈ کپ میں شرکت نہیں کر سکتا۔ ان کا کہنا تھا کہ امریکا کی جانب سے ایران کے سپریم لیڈر کو شہید کیے جانے کے بعد ایران کے لیے امریکا میں جا کر کھیلنا ممکن نہیں رہا۔
انہوں نے کہا کہ ایسے حالات میں ورلڈ کپ میں شرکت کا کوئی جواز نہیں بنتا کیونکہ موجودہ صورتحال میں ایرانی کھلاڑیوں کی سلامتی اور حالات سازگار نہیں ہیں۔ ان کے مطابق ایران اپنے کھلاڑیوں اور قومی وقار کو مدنظر رکھتے ہوئے یہ فیصلہ کرنے پر مجبور ہوا ہے۔
ایرانی وزیر کھیل نے مزید کہا کہ جب تک حالات بہتر نہیں ہوتے اور مناسب ماحول فراہم نہیں کیا جاتا، ایران کی جانب سے اس عالمی ایونٹ میں شرکت ممکن نہیں۔
واضح رہے کہ FIFA World Cup 2026 کی میزبانی مشترکہ طور پر United States، Canada اور Mexico کر رہے ہیں اور یہ فٹبال کی تاریخ کا سب سے بڑا ورلڈ کپ ہوگا جس میں ٹیموں کی تعداد بھی بڑھا دی گئی ہے۔