گلگت بلتستان میں اگلے ماہ ہونے والے عام انتخابات سیاسی جماعتوں کی اکثریتی رائے کے مطابق ملتوی کر دیے گئے ہیں۔
چیف الیکشن کمشنر جی بی راجہ شہباز خان نے آل پارٹیز کانفرنس سے خطاب میں بتایا کہ ناموافق موسمی حالات کی وجہ سے انتخابات کا انعقاد ممکن نہیں۔ اجلاس میں 13 جماعتوں نے انتخابات ملتوی کرنے کی حمایت کی، جبکہ 6 جماعتوں نے موجودہ شیڈول کے مطابق انتخابات کرانے کی تجویز دی۔
یاد رہے کہ الیکشن کمیشن نے ابتدائی طور پر 24 جنوری 2026 کو گلگت بلتستان میں عام انتخابات کا شیڈول جاری کیا تھا۔