لاہور (کیو این این ورلڈ)حکومت پنجاب نے 6، 7 اور 8 فروری کو بسنت کے دوران میٹرو بس، اورنج ٹرین اور گرین لائن میں مفت سفر کی سہولت فراہم کرنے کا فیصلہ کیا ہے۔ بسنت فیسٹیول کے جائزہ اجلاس میں وزیراعلیٰ پنجاب مریم نواز شریف نے کہا کہ 10 لاکھ موٹر سائیکلوں کو فری سیفٹی وائرز لگا کر دیے جائیں گے اور 2 کنٹرول روم بھی قائم کیے جا رہے ہیں۔
وزیراعلیٰ نے کہا کہ بسنت کو محفوظ بنانے کے لیے تمام ادارے کام کر رہے ہیں اور مانیٹرنگ، ٹریفک سمیت ہر لحاظ سے بہترین پلان بنایا گیا ہے۔ انہوں نے کہا کہ عوام کو کورونا کے دوران بند لگائی گئی خوشیاں لوٹائی جائیں گی۔ غلط ڈور استعمال کرنے پر 5 سال سزا اور جرمانہ ہوگا جبکہ ریڈ زون میں بغیر سیفٹی راڈ موٹر سائیکل کی اجازت نہیں ملے گی۔
مریم نواز نے کہا کہ بسنت 500 سال پرانا تہوار ہے جسے پنجاب کی ثقافت بھرپور طریقے سے اجاگر کیا جائے گا۔ 6 فروری کی رات سے فیسٹیول کا آغاز ہوگا جبکہ کلینک آن وہیلز، ایمبولینسز اور فائر بریگیڈ متحرک رہے گا۔