فرانس کی وزارتِ داخلہ کی ویب سائٹس پر ہونے والے سائبر حملے کے نتیجے میں حساس سرکاری ڈیٹا لیک ہو گیا ہے۔ وزارت نے تصدیق کی ہے کہ اس حملے کے دوران وزارت کے پیشہ ورانہ ای میل اکاؤنٹس متاثر ہوئے اور اہم فائلوں تک غیر مجاز رسائی حاصل کی گئی۔
فرانس کے وزیر داخلہ نے کہا کہ یہ واقعہ ابتدائی اندازوں سے کہیں زیادہ سنگین ہے، اور اگرچہ ڈیٹا متاثر ہوا ہے، اس کی مکمل نوعیت کا ابھی تعین نہیں کیا جا سکا۔ متاثرہ فائلوں میں فوجداری ریکارڈ پروسیسنگ سسٹم اور مطلوب افراد کی فہرست (FPR) شامل ہیں۔
سائبر حملے کے بعد فرانسیسی حکام نے ایک 22 سالہ مشتبہ شخص کو گرفتار کر لیا ہے، جس سے تفتیش جاری ہے اور مزید معلومات حاصل کرنے کی کوششیں کی جا رہی ہیں۔