راولپنڈی(ویب ڈیسک)پاک فوج کے شعبہ تعلقات عامہ (آئی ایس پی آر) کے مطابق چیف آف ڈیفنس فورسز، فیلڈ مارشل سید عاصم منیر نے سعودی عرب کے سرکاری دورے کے دوران وزیر دفاع شہزادہ خالد بن سلمان بن عبدالعزیز آل سعود سے اہم ملاقات کی ہے، جس میں دونوں ممالک کے درمیان دفاعی و عسکری تعاون اور اسٹریٹجک اشتراکِ عمل کو مزید مستحکم بنانے پر اتفاق کیا گیا۔ ملاقات کے دوران علاقائی سلامتی کی صورتحال اور بدلتے ہوئے جغرافیائی چیلنجز پر تفصیلی تبادلہ خیال کیا گیا، جبکہ دونوں رہنماؤں نے پاکستان اور سعودی عرب کے مابین گہرے تاریخی اور برادرانہ تعلقات کی اہمیت کا اعادہ کیا۔
اس موقع پر خادم الحرمین شریفین شاہ سلمان بن عبدالعزیز آل سعود کے خصوصی فرمان کے تحت فیلڈ مارشل سید عاصم منیر کو مملکت کے اعلیٰ ترین قومی اعزاز "کنگ عبدالعزیز میڈل آف ایکسی لینس” سے بھی سرفراز کیا گیا، جو دونوں ممالک کے درمیان مثالی عسکری تعلقات کا مظہر ہے۔